«Ескендир» жеке бөбекжайы 2022 жылдың 6 желтоқсанынан бастап мектепке дейінгі тәрбие мен оқытудың мемлекеттік стандартына сәйкес жұмыс жасап келеді. Бөбекжайда тәрбиеленушілердің жан-жақты дамуын қамтамасыз ету мақсатында 5 дағды бойынша жүйелі жұмыстар жүргізіледі:

1. Физикалық қасиеттерді дамыту – балалардың денсаулығын нығайту, қимыл-қозғалыс белсенділігін арттыру, спорттық ойындар мен сауықтыру шараларын ұйымдастыру.

2. Коммуникативтік дағдыларды дамыту – сөйлеу мәдениетін қалыптастыру, сөздік қорын байыту, байланыстырып сөйлеуге және қарым-қатынас жасауға үйрету.

3. Танымдық және зияткерлік дағдыларды дамыту – қоршаған ортаны танып-білуге қызығушылығын арттыру, логикалық ойлауын, есте сақтауын және зейінін дамыту.

4. Шығармашылық дағдыларды қалыптастыру – сурет салу, мүсіндеу, жапсыру, музыка арқылы балалардың шығармашылық қабілеттерін дамыту.

5. Әлеуметтік-эмоционалдық дағдыларды қалыптастыру – үлкендерді құрметтеуге, достыққа, адамгершілікке тәрбиелеу, өз сезімдерін дұрыс жеткізе білуге үйрету.

Осы бағыттар бойынша жүргізілетін жұмыстар нәтижесінде тәрбиеленушілердің жан-жақты дамуына, мектепке дайындығының қалыптасуына және тұлғалық қасиеттерінің дамуына жағдай жасалады.

«Ескендир» жеке бөбекжайы өз қызметі барысында ата-аналармен тығыз байланыс орнатып, бала тәрбиесіндегі ынтымақтастықты басты назарда ұстайды. Бөбекжай ұжымы балалардың қауіпсіздігі мен денсаулығын сақтауды, олардың бақытты балалық шағын қамтамасыз етуді басты міндет деп санайды.